Бүгін 1 қаңтар, журналист-жазушы Жақсылық Жүнісұлының туған күні. Туған күніңізбен құттықтаймыз Мықты денсаулық, ұзақ ғұмыр тілейміз Жүнісұлы Жақсылық /1.01.1943 ж.т. Торғай/. Журналист-жазушы. ҚР Мәдениет қайраткері /2008 ж./, Арқалық қаласының Құрметті азаматы /2011 ж./, Қазақстанның Құрметті журналисі /2015 ж./. Алғашқы еңбек жолын Жанкелдин аудандық атқару комитетінің нұсқаушылығынан бастаған. ​ҚазГУ-дің журналистика факультетін бітірген /1968 ж./. ​Қостанай, Торғай облыстық газеттерінде бөлім меңгерушісі, редакцияның жауапты хатшысы, редактордың орынбасары болған. ​Шәкірттерінің дені – танымал журналистер. ​«Сыр сандық» /2003 ж./, «Дала дарабоздары» /2007 ж./, «Жылдар жаңғырығы» /2012 ж./, «Табиғатпен егізбін» /2014 ж./, «Топжарғандар туралы толғау» /2016 ж./ атты кітаптары шыққан. Кезінде аталған еңбектеріне көрнекті ғалым Темірбек Қожакеев, көркемсөз шебері Серік Әбдірайымов, белгілі әдебиет сыңшысы Сабыржан Шүкірұлы, айтулы ақын Серік Тұрғынбекұлы оң бағаларын берген. ​«Еңбек ардагері» медалімен, ҚР Мәдениет және ақпарат министрлігінің Құрмет грамотасымен марапатталған, Қостанай облысы әкімі сыйлығының иегері. ​Зейнет демалысында жүрсе де, өзекті мәселелерді қамтыған мақалалары республикалық, облыстық басылымдарда жарияланып тұрады.