ӘМІРХАНОВ ҒАЗИЗ - (1927. Бұрынғы Торғай оязы, Қызбел, Теке өз. бойы – 2005, Торғай) – ұстаз, Қазақ КСР еңбек сіңірген мұғалімі (1978ж). Арғы аталарынан бастап дін ғұламалары болған Ғазез әуелі ескіше оқып, сауатын ашқан. Кейін кеңес мектебінен 7 жылдық білім алған. Меңдіғара пед.уч-щесін (1950ж), Абай атын. Қазақ мемл. ин-тын (1955ж) бітірген. Еңбек жолын Жангелдин ауд-ндағы Еңбек, Албарбөгет, Тоқанай бастауыш мектептерінде мұғалім болып бастап, ұзақ жылдар шәкірттерге дәріс берді (1942-195ж). 1955-1969 ж аралығында Қаратүбек, Қарасу, Ы.Алтынсарин атын.орта мектептердің директоры болды. 1969-1987 ж Жангелдин ауд. оқу бөлімін басқарды. 1987-1990 ж. Жангелдин ауд. музейінің директоры болып тағайындалып, А.Байтұрсынов, М.Дулатов, Ә.Жангелдин атын. музейлерді, мектептер жанынан ұйымдастырылған Шақшақ Жәнібек батыр, Ы.Алтынсарин мұражайларын ашуға көп еңбек сіңірді. Аудан жамағатына дін жолын уағыздап, Торғай кентінде медресе-мешіт ашуға басшылық жасап, оның алғашқы имамы болды (1990-1992). 1993 ж Ә. мұсылмандардың қасиетті орт. Меккеге қажылық сапар шегіп қайтты.