ҚЫПШАҚБАЕВ НАРИМАН - (27.05.1934 ж.т., Жангелдин ауд. Қызбел а.). Қазақ Республикасының еңбек сіңірген гидротехнигі (1980). Қазақ мемлекеттік ауыл шаруашылық институтын бітірген (1958). Еңбек жолын Түрген өзенін бақылайтын су маманы ретінде бастап, 1958-60 ж. Алматы облысы Еңбекшіқазақ ауданаралық суландыру жүйесі басқармасы су пайдалану бөлімінің бастығы, 1960-69 ж. Қазақ КСР Мелиорция және су шаруашылығы министрлігіндегі аға, бас инженер, бөлім бастығы, 1969-74 ж. Семей облыстық кеңесі Мелиорация және су шаруашылығы басқармасының бастығы, 1974-81 ж. министрдің орынбасары, Қазақ КСР-ның Су пайдалануды реттеу және қарғау жөніндегі бас мемлекеттік инспекторы, 1981-88 ж. Қазақ КСР Мелиорация және су шаруашылығы министрі, 1988-96 ж. министрдің 1-орынбасары, ҚР-ның су қорлары жөніндегі мемлекеттік комитетінің төрағасы, Орта Азия мемлекеттерінің су мәселелері жөніндегі ғылыми –ақпараттық орталық бөлімшесінің директоры сияқты жауапты қызметтерді атқарды. Қазақ КСР Жоғарғы Кеңесінің депутаты болып сайланған (1985-90), екі мәрте «Құрмет белгісі» (1973,1976), Еңбек Қызыл Ту (1981) ордендерімен марапатталды.