XX ғасырдың басында қазақ халқының тәуелсіздігі мен болашағы үшін күрескен Алаш қозғалысының қайраткерлері тарихта мәңгілік із қалдырды.

Әлихан Бөкейхан, Ахмет Байтұрсынұлы, Міржақып Дулатұлы, Мағжан Жұмабай, Жүсіпбек Аймауытұлы және олардың серіктері - халқымыздың ұлт болып қалыптасуына өлшеусіз еңбек сіңірді. Алайда сол кезде олардың еңбегі бағаланбады. Кеңестік билік оларды «ұлтшыл», «халық жауы» деп айыптап, көпшілігін қуғын-сүргінге ұшыратты. Көпшілігі атылды, айдалды, азап шекті.

Жылдар өтті… Әділдік те келді

Тек 1988 жылы, ондаған жыл өткен соң, Алаш қайраткерлерінің есімдері ақталып, оларға тағылған жала ресми түрде алынды.

Бұл - тек тұлғалардың ғана емес, қазақ халқының ар-ожданының ақталған сәті болды.

Бүгінде олардың идеялары мен арманы - тәуелсіз Қазақстанның негізінде жатыр.

Олар қалдырған мұра - ұлтты сүю, елді қорғау және білім арқылы болашаққа жол ашу.

Алаш арыстары - біздің мақтанышымыз, біздің рухани тірегіміз.