Ақын, журналист, аудармашы, драматург, Қазақстан мәдениет қайраткері, Қазақстан Республикасының еңбек сіңірген қайраткері Серік Тұрғынбеков​ ​ 1 наурыз 1946 жылы​ Жангелдин ауданы​ Тосын құмы, Төлеген қыстауында туған.

​ Еңбек жолын 1964 жылы  Жангелдин ауданы «Жаңа өмір» газетінде бастаған. 1966 жылы ҚазМУ-нің журналистика факультетіне сырттай оқуға түскен. Алматы қаласындағы Қазақ радиосына қызметке орналысады. 1971 жылы республика құрамында жаңадан Торғай облысы​ ұйымдастырылысымен «Лениншіл жас» газетінің солтүстік​ аймақтағы меншікті тілшісі , Республикалық халық шығармашылығы үйінің фольклор секторына басшылық етті. Қазақ теледидарына орналасып, халық шығармашлылығын насихаттауға белсене араласты, ақындарды теледидар сахнасына шығарды. «Жұлдыз», «Ақиқат» журналдары редакцияларында, Ғ.Мүсірепов атындағы​ Балалар мен жастар театрында, Қазақ КСР Баспасында жауапты қызметтер атқарды. 1985 жылдан зейнеткерлік демалысқа шыққанға дейін Астана қаласындағы С.Сейфуллин мұражайының директоры болып істеді.